您的購物袋內沒有商品！
會員中心
收藏
訂單記錄
「步行」呢個動作經常都出現係衍仁的歌入面：〈行路難〉〈一步〉〈上山的路像夢般崎嶇 〉等等以及係歌詞入面提到嘅暫且係到不提，反正有聽開嘅就不難發現。
你可能會問，行路邊個唔識?係直立行走理所當然嘅社會，行路真係再正常不過。但係，就甚少有人教我地扭親個陣要點點樣用力、或者負傷時要點樣前行。偏偏呢啲係我地最需要應對嘅課題。
係衍仁上一張專輯《飛蛾光顧》第5首歌，〈一步〉入面嘅收尾聽得我發麻冷顫:
「餘下一成視力的腳步
把乞丐的碗子踢到
那身軀欲躍進鐵路
回家的列車卻遲遲未到」
在絕路之時寄望希望的幻滅，卻也落空，將個人嘅末世感默許於現實嘅回應之上。我好鍾意。
而今次《折墮忘形》嘅封面，就酷似係鐵路車廂，我妄自地將佢視為個架目的地係「家」而遲到嘅列車，駛向的卻是深邈敗落的城。樂極可以忘形，同樣折墮都可以蹶足得慣成自然，專輯入面分明而疏落嘅樂器聲就似不穩健的步履，間中冷不防會有暗空上烏鴉群般的和聲剎過，收在眼中耳內皆是喪兆；亦多得以文字為先的創作方式﹐讓字句的發音未受樂曲的規範，聽上去有如咒語般攝魂。
《折墮忘形》係我2022嘅年度專輯，以前對衍仁嘅專輯從未有過咁大感受﹐我都好難解釋。我諗可能係呢幾年大家都攰，但係就第一次有音樂指出你嘅疲憊係末期症狀﹐有啲震撼得難以接受。
邀請衍仁搞專場，其實就發生係《和光同塵》演出後嘅當晚，當時衍仁話《折墮忘形》入面嘅歌其實寫好到成碟面世都隔左好一段時間，要「面對」返佢地需要時間pick up，所以專輯出左半年，先有今次嘅專輯發佈。要感謝翻騰 @fountaindechopin 嘅眾兄弟姐妹支援、@nelson_fung 嘅幫手，仲有好朋友 @brianchu_u 嘅暖場共演，冇你地唔會成事！所以係到我都想用龢wo4嘅錄音專輯《螺旋體》嘅簡介作為收結：
「實驗的路上不會有白費。
兜兜轉轉裡的經驗，
會不知不覺間驅使我們踏步向前。」
如果你最近都有啲kick，歡迎4月1 黎《嚼事知夜》呢個album release show，我地一齊黎解開個結。
-梅迪斯
